पौष, १६ वीरंंगज । पूर्वमन्त्री राजकुमार गुप्तालाई विशेष अदालतले पूर्पक्षका लागि थुनामा राख्न आदेश दिएको छ।

भ्रष्टाचारको आरोप खेपिरहेका पूर्वमन्त्री गुप्ता बुधबार विशेष अदालतमा उपस्थित भएका थिए। अदालतमा उनको बयानपछि थुनछेक बहस सम्पन्न भएको थियो। विशेष अदालतले आफ्नो वेबसाइटमा अद्यावधिक गरेको विवरणअनुसार गुप्तालाई थुनामै राखी मुद्दा अघि बढाउने आदेश दिएको हो।

विशेष अदालतका अध्यक्ष सुदर्शनदेव भट्ट तथा सदस्यहरू डिल्लीरत्न श्रेष्ठ र विदुर कोइरालाको इजलासले उनलाई थुनामा पठाउने निर्णय गरेको हो।